كنترول الباص

الكاتب :خالد العالول

كنترول بغره

حياته كلها حره

داير على لم الاجارات

والتتقيص على النسوان

يابَيه محلى غرته

وجله اللميع

وعيونه مثل ورق القصدير

وله سناسل الي مدليه على الرقبه

اخ على بنطلونه الي معبى كسرات

وما بلبس الا على الطراز

واديه كلها خواتم ومداليات

وما بلبس الا زنوبا

وما بتغدى الا سنيوره

وما بسمع الا اغنية الطنوره

وما بنخ الا للاموره

ولما يشوف فرفوره

بصير خده مثل حبة البندوره

اه مهو كله خجل وادب

جيابه كلها فكات وفراطه

واول كلمه بقولك اياها

"اجارك يا ابو الشباب"

بغض النظر ان كنت ولد ولا ختيار

اما الحريم ما بنادوها الا داده

ولعيونك الطلعه مجانه

واذا بدك خط الباص

مكتوب باسمك بالحالاً

بس حني علينا بضحكه وابتسامه

وكل هذا حياته مش كلها حره